ကျွန်တော်မှန်တာတစ်ခုတော့ပြောလိုက်မယ်ဗျ သူများတွေရဲ့အဖြစ်ကိုလည်းမြင်နေရတယ်ဆိုတော့ ဒီပို့စ်တင်လိုက်တာ မမှားဘူးလို့ကိုယ့်ကိုကိုယ်သတ်မှတ်ပါတယ် မှားတယ်ဆိုရင်လည်း ကျွန်တော့ဘလော့ကို အားပေးနေတဲ့ မိန်ကလေးများ ခွင့်လွှတ်ပါ များသောအားဖြင့်တော့ 100% မှာ 80% လောက်ကတော့ ဒီပို့စ်နဲ့မှန်မှန်ကန်ကန်ရှိနေပါတယ် ဒီလိုဗျ...............
အမျိုးသမီးတွေဟာ အမျိုးသားတွေထက် ဖုန်းကိုပိုခင်တွယ်တတ်ကြတယ်တဲ့။ ကိုယ့်လက်ကိုင်ဖုန်းလေးကို တသသနဲ့ လက်ထဲကပြုတ်ကျမှာ၊ တစ်နေရာမှာ ကျန်ခဲ့မှာကို စိုးရိမ်တတ်ကြတဲ့ အမျိုးသမီးတွေဟာ ကိုယ့်ရည်းစားနဲ့ တွေ့ဆုံချိန်တွေမှာတောင် လက်ထဲက ဖုန်းကိုမချနိုင်ပဲ ဟိုကလိ၊ ဒီကလိလုပ်တတ်ကြလွန်းလို့ အမျိုးသားတွေက သူတို့ထက် ဖုန်းကို ပိုချစ်နေပြီလားလို့ မေးခွန်းထုတ်ကြတဲ့အထိပါပဲ။ ဘာ့ကြောင့်များ သူတို့တွေ ဖုန်းကို ခင်တွယ်နေကြပါသလဲ။
၁။ဖုန်းဟာ ကိုယ့်အိပ်ယာဘေးမှာ အမြဲရှိနေတတ်တယ်လေ။ နာရီကြည်ဖို့ဆိုရင်လည်း ဖုန်းကို လှမ်းယူကြည့်လိုက်ရုံပဲ။ Alarm ပေးရင်တောင် ဖုန်းနဲ့ပဲ။ တစ်ခါတစ်လေ ဖုန်းနဲ့သီချင်းလေး ဖွင့်ပြီးတော့တောင် အိပ်ယာဝင်လိုက်သေး။ အိပ်ယာနိုးနိုးချင်း ပထမဆုံး မြင်ရတာကလည်း ကိုယ့်လက်ကိုင်ဖုန်းလေးပဲကိုး။
၂။ချစ်သူရဲ့ မိဘနဲ့ တွေ့ဆုံဖို့သာ အချိန်မရှိတာ။ facebook ထဲက သူငယ်ချင်းတွေနဲ့တော့ အချိန်တိုင်းကို တွေ့နေရတာပဲ။ ဒါကလည်း လက်ကိုင်ဖုန်းကြောင့်ပေါ့။
၃။ရေချိုးရင်လည်း ရေချိုးခန်းထဲ သယ်လို့သယ်။ ဒါမှ ဖုန်းခေါ်သံကို ကြားရမှာကိုး။ message ၀င်ရင်လည်း လွယ်လွယ်ကူကူ သိနိုင်မယ်လေ။
၎။ချစ်သူက ဘာပြောနေမှန်း သိချင်မှသိမယ်။ Instagram မှာ ဘယ်သူက ပုံဘယ်နှစ်ပုံ တင်ပြီးပြီလဲ ဆိုတာကိုတော့ အတိအကျ ပြောနေတတ်ပြန်ရော။
၅။တစ်ခါတစ်လေ အိမ်မှာဖုန်းကျန်ခဲ့လို့ ရည်းစားကို နေဦးဆိုပြီး ဖုန်းပြန်ယူရတာလည်း ရှိသေး။ တစ်ရက်တစ်လေပဲဆိုပြီး အိမ်မှာ လက်ကိုင်ဖုန်းကျန်ခဲ့ရင် ဘယ်လိုမှ အဆင်ပြေပြေ မနေနိုင်ဘူးလေ။ ဟာတာတာ ဖြစ်နေတတ်တယ်မဟုတ်လား။
၆။ရည်းစားက ကိုယ်နဲ့ညစာတူတူ စားနေရင်းကနေ အိမ်နောက်ဖေးသွားပြီး တစ်ခုခု သွားယူရင်တောင် ဖုန်းကနေ message ပို့ပြီး အိမ်နောက်ဖေးက ဘာလေးယူလာခဲ့ပါဆိုတာမျိုးကလည်း လုပ်တတ်သေး။
၇။သူနဲ့အပြင်မှာ ပြောဆိုနေကျအရာတွေထက် သူ့ရဲ့ facebook wall မှာ ကိုယ်ပို့စ်သွားလုပ်ထားတဲ့ပုံတွေ၊ စာတွေက ပိုများနေသလားလို့။ စဉ်းစားကြည့်ပါဦး။ ပြောဖြစ်တဲ့အကြောင်းအရာက ၁၅ခုဆို၊ သူ့ဝေါပေါ်မှာ ကိုယ့်ပို့စ်က အခု ၅၀လောက်ဖြစ်ချင်ဖြစ်နေတာ။
၈။နောက်ဆုံး ကိုယ့်ရည်းစားက ဖုန်းကို ချထားလိုက်စမ်းလို့ မပြောမချင်း ကလိနေတတ်တာဟာ ချစ်သူနှစ်ဦးအတွက် ကတောက်ကဆ ဖြစ်ခြင်းရဲ့ အစတွေပါ။
ချမ်မြေ့ (ကောင်းကင်ကောင်လေးများအဖွဲ့) လေ့လာမိသမျှ၊ စုစည်းမိသမျှ မျှဝေခြင်းတစ်ခုဟာလည်း စေတနာတစ်ခုပါ....။
No comments:
Post a Comment