(၁) ကျန်းမာရေးနှင့် ညီညွတ်သော ကိုယ်အလေးချိန်ကို ထိန်းသိမ်းပါ
သင့်ခန္ဓာကိုယ်က စံသတ်မှတ်ထား တဲ့ ကိုယ်အလေးချိန်ထက် များနေရင် အပိုကိုယ်အလေးချိန်တွေ လျော့ကျစေ ဖို့လုပ်ဆောင်ရပါတော့မယ်။ အဲဒီလိုဖြစ် ဖို့ဆိုရင် သင်စားတဲ့ ပမာဏထက် ကယ် လိုရီပိုမို လောင်ကျွမ်းအောင် လုပ်ဆောင် ပေးပါ။ ဝမ်းဗိုက်ြွကက်သားတွေ သန်စွမ်း အောင် အိပ်ထမတင်လေ့ကျင့်ခန်း၊ အ လေးမတဲ့ လေ့ကျင့်ခန်း၊ ထိုင်ထလေ့ ကျင့်ခန်း စတဲ့ လေ့ကျင့်ခန်းတွေ လုပ်တာ က အကောင်းဆုံးနည်းပါ။ ဒါက ကိုယ် အလေးချိန်ကျစေတဲ့အပြင် ဝမ်းဗိုက်ကို ချပ်ရပ်စေပါတယ်(၂) အမျှင်ဓာတ်များများ စားပါ
အမျှင်ဓာတ်များများပါတဲ့ အစာကို စားတာကြောင့် လေပွ၊ လေထတာမျိုး မဖြစ်အောင် ကာကွယ်နိုင်ပါတယ်။ အ မျှင်ဓာတ်ပါတဲ့ ကောက်နှံတစ်ခုလုံးနဲ့ လုပ် တဲ့ အစာတွေက ဗိုက်မြန်မြန်ပြည့်စေပြီး ဟင်းသီးဟင်းရွက်တွေက ကယ်လိုရီပါ ဝင်မှု နည်းပါးပါတယ်။
(၃) ဆားလျှော့စားပါ
လူအများစုဟာ ဆိုဒီယမ်ကို လိုအပ် တာထက် နှစ်ဆပိုစားနေကြတယ်လို့ ကျွမ်း ကျင်သူတွေက အကြံပြုထားပါတယ်။ ဆားအများကြီး စား တာကြောင့် သွေးတိုး စေနိုင်သလို လေပွစေနိုင်ပါတယ်။ ဆား ပါဝင်မှုများတဲ့ အဓိက ရန်သူက တာရှည် ခံအောင် ပြုပြင်ထားတဲ့ အစာတွေပါ။ ဒီအစာတွေ မစားခင် အာဟာရတန်ဖိုး ကို အရင်ဖတ်ကြည့်ပါဦး။ ဗိုက်သားချပ် ရပ်ဖို့အတွက် အကောင်းဆုံးက လတ် ဆတ်တဲ့ ပါဝင်ပစ္စည်းတွေကို သုံးပြီး အိမ် မှာ မိမိဘာသာ ချက်ပြုတ်ပြင်ဆင်ပြီး စား တာပဲ ဖြစ်ပါတယ်။ ရေများများသောက် တာက ဆိုဒီယမ်ပမာဏကို လျော့ကျစေ ပါတယ်။
(၄) အစာကို နည်းနည်းနှင့် မကြာခဏ စားပါ
ညစာကို များများစားတာကြောင့် ဗိုက်ပူနေတယ်ဆိုရင် နည်းနည်းနဲ့ မကြာ ခဏစားတဲ့ အလေ့အထကို ပြောင်းလဲ ကြည့်ပါ။ နေ့စဉ် အချိန် ၃-၄နာရီကြာ တိုင်း အစာနည်းနည်း စားပေးပါ။ ဒါဆို ရင် ဗိုက်ဆာတာနဲ့ အစာကို စားသင့်တာ ထက်ပိုစားမိတာမျိုး ဖြစ်နိုင်ခြေ နည်း သွားပါလိမ့်မယ်။
(၅) ဆရာဝန်နှင့် တွေ့ဆုံဆွေးနွေးပါ
ကိုယ်အလေးချိန်လျော့ကျပေမယ့် ခါးအတိုင်းအတာက လျော့ကျမှုမရှိဘူး ဆိုရင် ဆရာဝန်နဲ့ တိုင်ပင်ဖို့ လိုပါတယ်။
ကြယ်စင်
Good Health
No comments:
Post a Comment